Kærleiksvika í Mosfellsbæ 14- 21 febrúar næstkomandi

Kærleiksvika í Mosfellsbæ 14.-21.  febrúar 2010Kærleiksvika á að verða vika þar sem kærleikurinn verður ofar öllu hér í Mosfellsbæ.   Hugmyndin er að sem flest félagasamtök, stofnanir, fyrirtæki, hópar og einstaklingar taki þátt í vikunni með sínum hætti.  Við vonum að vikan verði full af kærleiksríkum viðburðum, verkefnum og uppákomum. Markmið vikunnar er að hver einasti bæjarbúi finni fyrir kærleik í sinn garð og gefi af sér kærleik.  Þetta gæti falist í hrósi, faðmi, brosi, fallegum skilaboðum eða einhverju öðru uppbyggilegu og skemmtilegu.Við í undirbúningshópnum höfum margar skemmtilegar hugmyndir og því er hægt að leita til okkar um slíkt.  Verkefnið er sjálfsprottið og er ekki tengt neinum ákveðnum félagsskap, stofnun eða fyrirtæki.  En von okkar er sú að sem flestir komi með framlag til vikunnar og að hún höfði til íbúa á öllum aldri.  En ætlast er til þess að þeir sem koma með hugmynd að viðburðum, verkefnum sjái einnig um framkvæmdina.  Við í undirbúningshópnum erum tilbúin að aðstoða ef þörf er á.Von okkar er sú að Mosfellingar taki kærleiksvikunni vel og til verði fullt af skemmtilegum viðburðum og verkefnum.  Við viljum gjarnan halda utan um það sem verður í boði í vikunni og vonumst til að þið sendið okkur upplýsingar um slíkt á netfangið okkar [e-mail]. Dagskrá vikunnar verður svo kynnt á heimasíðu Mosfellsbæjar www.mos.is.Fyrsti dagur kærleiksvikunnar er sunnudagurinn 14. febrúar (Valentínusardagur) og við í undirbúningshópnum munum standa að upphafsviðburðinum, hópknúsi, sem vonandi verður fært í heimsmetabók GUINNIESS.  Bæjarbúar verða hvattir til að fara í brosgöngu að miðbæjartorginu þennan sunnudag þar sem Mosfellingar munu knúsast og setja heimsmet í hópknúsi.  Í kjölfarið verður svo stutt skemmtidagskrá inni í Kjarna sem auglýst verður þegar nær dregur.Með von um jákvæðar og kærleiksríkar viðtökur,