Stefnt á heimsmet í hópknúsi í Mosfellsbæ á Valentínusardag

Næstkomandi sunnudag hefst Kærleiksvika í Mosfellsbæ og upphaf vikunnar verður á Miðbæjartorgi Mosfellinga þar sem stefnt er að því að setja heimsmet í hópknúsi.

Nánar tilktekið er stefnt að því að setja heimsmet í því að sem flestir komi saman og faðmist í minnst eina mínútu maður faðmar bara einhvern einn með því að vefja hödum utan um hvort annað og heldur í eina mínútu.Þegar við fórum af stað með þetta verkefni var heimsmetið 112 manns sem var slegið 11 nóv 2009 í London en fékk póst frá Heimsmetabókinni í dag 11 feb. að það hafi verið slegið 30 jan. 2010 og nú stendur það í 636 manns eða 313 pör nú stefnum við að slá þetta nýja met og förum létt með það J.

Bjóðum alla velkomna kl 15:00 á Miðbæjartorgið í Mosfellsbæ (það má bjóða öllum að koma og vera með þetta eiga ekki bara að vera mosfellingar)  Eftir að metið hefur verið slegið er hægt að ná sér í kaffi og kakó í Kjarna og að hlíða á flutning kærleikslagsins sem Biggi í Gildrunni samdi fyrir vikuna og Stefanía Svavarsdóttir syngur. Einnig syngja Leikskólakórinn, Álafoss kórinn og Biggi í Gildrunni.

Kærleiksvikan í Mosfellsbæ s 14- 21 febrúar Kærleiksvika á að verða vika þar sem kærleikurinn verður ofar öllu hér í Mosfellsbæ.  Hugmyndin er að sem flest félagasamtök, stofnanir, fyrirtæki, hópar og einstaklingar taki þátt í vikunni með sínum hætti.  Við vonum að vikan verði full af kærleiksríkum viðburðum, verkefnum og uppákomum.

Markmið vikunnar er að hver einasti bæjarbúi finni fyrir kærleik í sinn garð og gefi af sér kærleik.  Þetta gæti falist í hrósi, faðmi, brosi, fallegum skilaboðum eða einhverju öðru uppbyggilegu og skemmtilegu.

Þeir sem vilja standa fyrir viðburðum er bent á að hafa samband við okkur í gegnum [e-mail]. Dagskrá vikunnar verður svo kynnt á www.kaerleikur.blog.is og á heimasíðu Mosfellsbæjar www.mos.is.  Auk þess sem Kærleiksvikan er á fésbókinni.  

Undirbúningsnefnd Kærleiksvikunnar:

 Bryndís Haraldsdóttir (gsm 895 9597)    Hilmar Stefánsson (gsm 690 0123)

Anna Ólöf Sveinbjörnsdóttir (gsm 692 4005)     Hreiðar Örn Zoega (gsm 8968936)

Hanna Símonardóttir (gsm 695 2642)          Vigdís Steinþórsdóttir (gsm 863 5614)

Linda Gunnarsdóttir (gsm 615 4079)